Done Bete da le lenghe sclete

il titul dal blog al nas di un m没t di d卯 che si usave a Durlasse, il pa卯s di me mari e chel dul脿 che soi nade

Il Diti

Diti a l’ere il cjanut di Bete, ancje lui nât a Bertolasse.

Diti no l’ere un non a câs ma il diminuîtv di Gjiudite, le femine ca lu veve regalât a Bete.

Gijudite e il siò omp a erin 膷ha膷adôrs.

 

Il Diti a l’ere une biele incrosadice di razis 膷hanìnis.

L’istinto pa le 膷hace a lu veve, ma cu le specjalitât dal gjat, une vore bulo a cjapà pantianis.

 

A contin che Gijudite, cuant ca lave a 膷hace, a fos stade pi svelte dai cjans. A ere ì ca i dave al siò omp li diretivis justis par cal tiràs a li predis.

 

Il Diti, ta le cjase gnove di Stelute, al viveve peât par no cal scjampàs in strade a piriculà.

Le sere al vignive molât tal curtîl da li gjalinis, pa li necessitâz corporâls, e cussì a si divertive un mônt a falis cori come saetis.

 

Ducju in cjase a disevin che il Diti a l’ere cragnôs e puzelênt ma par tancju ains nissun al veve mai pensât di fai un bagno. Puar Diti, le volte che Ninine, le sôr di Bete, a lu à lavât ta le podine da le lišìe, come cal fos stât “Calimero il pulcino nero”, a iè vignude tante di che pize ca nol finive pì di gratâsi.

*** 

tânt ninins ca erin i puli膷utz neris ca nasevin sot le clo膷he!

 

La imagjine e je cjolte sul web

Postato da: DoneBete a 14:10 | link | commenti (5) |
il diti

Il Petul

Une dì, Bete, a veve contât in cjase di un omp ca l’ere stât a sunà pai fruz da l’asilo.

Par fasi capì ce che l’omp al sunave, a veve fat viodi ce môt cal moveve che scjatule cal tignive sù cun d’une tiracje.

"Alore”, an dite i nonus, “vol dì che tu as sintût a sunà il Petul”.

Il Petul a l’ere un omp di Bertolasse che cu le armoniche, pal plasè dai paesans, a l’ere simpri in vôre.

Cuant che in cjase a disevin Petul, a l'ere chel stès che disi armoniche.

 

Cui nonus, Bete, a scoltave “Radio Capodistria, notiziario” e il nonu al diseve che li nutizis a erin dutis bùfulis.

A trasmetevin une vore di canzonetis, cuasi simpri chês, ca vignivin domandadis dai “radioascoltatori” par mandà augurios a fîs, sôrs e vie discorendo.

 

Tra li pì getonadis a erin:

la  “casetta in Canadà, con vasche e pesciolini e tanti fiori di lillà”;

“vecchio scarpone quanto tempo è passato”;

"Mamma! - mormora la bambina mentre piena di pianto ha gli occhi";

“mamma, son tanto felice perché ritorno da te”.

 

Il top a l’ere il Complesso Casadei che, cun “Romagna mia, Romagna in fiore, tu sei la stella tu sei l’amore” al faseve là a dute bire le armoniche e Tinute, le mari di Bete, a diseve “ah, tânt ca mi plâs sintì a sunà il Petul”.

 

Il top dai top a ere che, par ogni finâl di trasmission, un radioascoltatore al veve domandât di sintì a sunà  “bandiera rossa la trionferà”.

***

Bete a veve une curiositât:

viodi une foto di Natalino Otto cal cjantave

"Op! Op! Trotta Cavallino"

 

La imagjine e je cjolte sul web

Postato da: DoneBete a 17:50 | link | commenti (4) |
il petul

Il pianoforte di Bete

Bete, di pi膷ule, a pritindeve che cu le machine di scrivi a si podès ancje sunà.

In cjase, drenti ta un armarut, a ere une machine di scrivi che siò pari al veve comprât ma che, par tancju ains, ere stade prestade a un sior cal faseve cualchi pràtiche pai paesans.

 

Bete ancjemò a no saveve scrivi ma, dato che ta l’asilo a viodeve li munis ca sunavin il piano, a si meteve ingenoglade devant da l’armarut, a cjalcjave sui tas膷 da le machine di scrivi e a fantasiave di sunà. Dopo, cuant che li livutis, cu li letaris da l’alfabet, a si erin dutis ingrumadis tra di lôr, a clamave so sôr Ninine par disberdealis.

 

A “sunave” e a cjantave li canzons ca imparave ta l’asilo ma, di sigûr, ancje chês ca scoltave cui nonus a la radio che, pal nonu a l'ere "il radio" e pa le none "l'aradio"

Le none a veve une grande passion par Claudio Villa, màssime cuant cal cjantave Granada e il nonu a l’ere un grant stimadôr dal gjornalist Ruggero Orlando, ancje par vie dal cognom ca l’ere come il siò nom.

 

La radio “Zacchini”, che Bete a ten ancjemò in cjase, siò pari le veve cuistade cun d'un scambio di dôs bicicletis dal siò negozi. Chei ca vendevin li radio a ziravin pai paîs par mostralis.

Par tancju ains, dopo, no ere nancje mai stade impiade parcè a Bertolasse, il paîs prime di là ta le cjase gnove di Stelute, a stavin ta un cjasal dolà ca no rivave le lûs eletriche. Ta chei tîmps, Bete, no ere nancjemò nade.

 

Le radio a le vevin mitude sot dal jet di Mirte, une da li sôrs pi grandis. A Mirte, ca veve domandât ce môt ca si podeve fà par sintile a sunà, ai vevin dit ca si veve di tacale tal baton da le panze.

 

Ninine à contât a Bete che, apene rivade ta le cjase di Stelute, à tacât subite le radio.

*** 

 

La imagjine e je cjolte sul web

Postato da: DoneBete a 12:39 | link | commenti (7) |
il pianoforte di bete

Aghe e zucar

Me sôr Chicute a saveve petenasi ta une maniere che nancje le paruchiere a ere bune a fà di mior.

A ere in voghe le mode dal "chignon" alt, dal cocon, insome.

Si viodeve petenade cussì Virna Lisi, tal reclam dal dentifricio Chlorodont, dolà ca i disevin "con quella bocca può dire ciò che vuole".

Chicute, a fuarze di lache e furcinis, a si faseve un cocon propite di gran mode.

Le lache si comprave sciolte, ta une butigliute di plastiche par spruzale e, cuant ca ere finide, si tornave a cjariale.

Le bumbulute spray no ere ancjemò tant in voghe.

 

Pensasi che a me sôr Mirte, ca si petenave come la Mina, une sò amie ai domandave simpri sa veve doprât aghe e zucar.

Po stai, però, che l'aghe e zucar a le ves doprade me mari, cuant ca petenave Chicute, prin ca las a scuele.

Chicute a ere bionde e me mari ai faseve ogni dì i bocui e a i meteve un gran floc sul cjâf.

 

Cuant che il murôs di nostre sôr Ninine l'è vignût a cognosi le famee, dato cal tabajave ancje l'inglês, a l'à cjatat il nom a le petenadure di Chicute.

L'à dit ca i sameave un "cake", une torte, insome.

No atris, cussì, vin subite cjatat le traduzion par furlan, "il checo" e me sôr a è diventade le Chêche.

*** 

Virna Lisi, tal reclam dal dentifricio Chlorodont

La imagjine e je cjolte sul web

Postato da: DoneBete a 17:18 | link | commenti (6) |
aghe e zucar