Done Bete da le lenghe sclete

il titul dal blog al nas di un m没t di d卯 che si usave a Durlasse, il pa卯s di me mari e chel dul脿 che soi nade

Il ritrat da la mestre

A Bete, in prime elementâr, ere capitade le stesse mestre di cuinte di so sôr Chicute. A cjase a erin contênz parcè a passave par jessi severe ma une vore brave insegnante.

 

A veve studiât a Rome, in plen ventennio, e a dave grande importance a “l’educazione fisica”.

La “z” a le pronunziave in maniere une vore sonore e chistu, pal dettato, a l’ere propite util.

Par fà gjinastiche a ordenave di partà a scuele “un quotidiano” par pojâlu, come un tapêt, su li breis dal curidôr tra li aulis.

 

Le mestre a ere une femine une vore ative, volontarie da le Crôs Rosse, referente da le “Dante Alighieri” e ta li ricorencis, come il 4 Novembre, a sfilave cun 膷hapiej che, come mode, a erin almancul di vin膷h ains indavôr cul timp.

 

Spes, le mestre di Bete, a si infervorave a cjacarà di Garibaldi e Mazzini.

 

In paîs a ere forsi l’uniche a vè il frigo, ca l’à di jessi stât un premi ricivût par cualchi siò mert.

 

Il siò on a l’ere dispiardût in Russie. Si erin sposâz dopo ca l’ere stât siò alievo a li scuelis serâls e, duncje, al veve une vore di ains in mancul di î.

 

Le none di Bete, ca no le cognoseve, a veve dit: “a mi plasarès viodi le to mestre, dato che tu mi contis tantis robis di î”.

Alore Bete, sun t’un sfuiut di cjarte, à disegnade le mestre cun grande cuantitât di particolârs: le cotule ca veve cjapât le forme da li clapis, li scarpis bassis e comudis, le mae impanide, i 膷havêj tajâts senze tantis preciosetâz, li 臒hambis pelosis e i poros neris sul nâs.

 

Li sôrs di Bete, ca erin tânt pì grandis, an duvût ricognosi che il ritrat a l’ere conforme a l’origjinâl.

 

Cuant che a Bete, tal periodo da li vacancis estivis, a jere vignude le tos moltone, le mestre a ere stade a cjatâle e a i veve partât li caramelis. Ancje a scuele, cjarti voltis, le mestre a partave caramelis.

 

Bete no veve mai cjapât sberlis da le mestre, saben ca fos une vore svelte a molâlis. Chistu, a Bete, ai sameave une robe brute, come brute a ere “la fila degli asini”, dolà ca mandave a sintâsi che frutis ca fasevin masse erôrs tal dettato.

 

Capitave ancje ca si fasès petenà in classe, atrîs voltis ca fasès fà une durmidute sul banc.

 

A Bete le mestre ai veve gjavât un dint che nancje a nol clopave ma a l'ere brut, come rumiât, cussì ai veve fate le vore lì par lì in classe.

***

"erinnofili pro emigranti Società Dante Alighieri"

a ju vendeve le mestre e a costavin 10 liris da l'un

 

La imagjine e je cjolte sul web

Postato da: DoneBete a 17:26 | link | commenti (16) |
il ritrat da la mestre

Il dudi tal frizer

A l’ere nât un misteri cuant che le mari di Bete, tal frizer, si ere 膷hatâde un pachitut dolà che parsore a l'ere scrit “dudi”.

 

No erin dubiz, le caligrafie a ere le sô, però a veve pocje voe di viarzilu.

 

Bete, ca si sbregave dal ridi, a veve fantasiât che drenti a fos stade 膷hâr di dinosauro, anzi di dudisauro.

 

Insome, par vie di une 臒hambute in mancûl, a l'ere scrit dudi al puest di dindi.

 

Nissun si vise pì in ce môt cal sedi stât cuet chel dudi.

 

*** 

La imagjine e je cjolte sul web

Postato da: DoneBete a 15:03 | link | commenti (8) |
il dudi tal frizer