Done Bete da le lenghe sclete

il titul dal blog al nas di un m没t di d卯 che si usave a Durlasse, il pa卯s di me mari e chel dul脿 che soi nade

On臒harìe

Il mês di Avost dal 2007 soi stade a Budapest e dopo soi rivade fin a Esztergom, dolà ca è le basiliche pi grande da l’On臒harìe, une tra li 10 glesis pi grandis dal mond.
Cussì ai savût che lì, tal 1854, il pitôr furlan Michelangelo Grigoletti, nât a Rorai Grande di Pordenon, il 29 agost dal 1801, a l’à piturât pa le Catedrâl une da li pì grandis telis di altâr al mond, une copie da “L’Assunta”, siet voltis pi grande di che di Tiziano ta le Glesie dei Frari a Vignesie.
 
Da Budapest, par rivà a Esztergom, a si passe par 60 km tra le valade dal Danubio. Di frônt, oltri l’anse dal flum, a è le Slovacchie. Ochì, circondade da li montagnis, dre膷âde sul Mont dal Cjastiel (Várhegy), a è le basiliche, costruide tra il 1822-1869, simbul da le citât.
Esztergom a è innomenâde par vie che Stefano, fondatôr dal Stât e prin re d’On臒harìe a l'è nassût, a l’è stât incoronât e a l’è ancje muart.
Pa l’ocasion da le consacrazion da le basiliche, tal 1856, Liszt a l’à componût e diret, durânt le cerimonie, “La Messa di Esztergom”.
 
Le ultime gnot, a Budapest, ai durmît ta l’albergo dai bagnos termai “Gellért”. Il Gellért a l’è cugnussût par vie di une straordinarie piscine in stîl liberty. Le costruzion, dai prins dal secul passât, a è stade fate su l’ex aree da l’ospedâl mediovâl di aghis curativis. L’albergo a l’è propite sot il Mont Gellért, il puest pi biel di Budapest. Parsore dal mont a è la “Citadella”.
L’Unesco, tal 1987, a l’à declarât il Mont Gellért, insieme alla Citadella di Buda e al panoram da li dôs rivis dal Danubio, part dal Patrimoni Mondiâl da l’Umanitât.
Ta le Citadella a è le statue da le Libertât, alte 40 mt, une femine ca ten sui braz, alzâz al cêl, une palme. Di gnot a è simpri illuminade e, lânt sul Danubio, a si po’ viodile durânt dute le navigazion.
Ai fat une gjte incantevole sul Duna, naturalmentri le musiche a bordo a ere “An der schönen, blauen Donau”. Al tirave un biel svintulin ma, tânt istes, mi eri mitute in poppa.
 
Soi stade al Parco di Vorosliget e ai tocjât le pene da le statue da l’Anonymus. Di lui no si viôt le muse parcè a è cuviarte da un veli. Tocjai le pene a disin ca parte ben. Lui, un cronist senze nom, al viveve ai timps di un re, Bela. A l’è le prime fônt d’informazions su l’On臒harìe dal prin medioevo. Putrop, dato che di re Bela a son stâz in tancju, al dovente dificil datà li sôs cronachis, le “Gesta Hungarorum”.
Vevi sintût une femine ca diseve: “noi non conosciamo gli autori ungheresi”. In chel momênt, ancje iò, ai dovût ameti cun me stesse, chiste lacune. Un’atre femine à fat cenno a “I ragazzi della via Pal”, il roman膷 di Ferenc Molnár che, se no atri al cine, le pi part dai miò coetaneos an viudût. Une volte a 膷hase un amì mi à ricuardât Sándor Márai e György Tábori.

Soi stade ancje ta la Puszta, ca si dîs “pusta” e a vôl dì desolazion. Ma no è propite cussì, anzi, io ai viudût grandis coltivazion di cocis, girasoi, blave, arbui di frutam, soredut armilins.
Volevi comprà il vueli di pi膷his di coce, parcè vevi let un gran ben di chistu prodot. In On臒harìe a lu fasin, cun spremidure a frêt, sôl ta li fameis e no lu vendin. Si pò compralu, invezi, in Stirie.
Ta le Puszta a son tantîs li fattorîs di tipo turistic-commerciâl. Io soi stade a le fattorie “Varga”, dolà ca fasin cors di ecuitazion, 膷hace a 膷haval, tîr di caroce, esibizions ecuestris e si po’ ancje mangià e durmì.
Chiste fattorie a è famose parcè a è l’uniche al mond ca mostre l’esibizion di un tîr di 10 膷havai. I omis, pal spetacul, an intòr antîcs custums da butteri.
Il tîr a 10 膷havai a l’è straordenari. A l’è nât da le fantasie di un pitôr viennês, Ludwig Koch (1866-1934), cal veve sumiât un tîr a 5 膷havai. Il buttero acrobata al stà in peis su le schene dai doi ultins 膷havai dal tîr.
Soi ancje stade a fà un gîr, par stradis di campagne, cun d’un vecju 膷hâr tirât a gran velocitât da un 膷haval. Mi soi tânt divirtude, le strade a ere infangade e cuant che mi soi sintude rivà aghe in tor ai dit a une femine che, magari, il 膷haval al stave fasînt une pisadine. Il siò om mi à dit ca l’è impussibil fale in corse. Io ai rispundût che, chei puars 膷havai, cun chei ritmos di lavôr senze pause, a si rangin cuant ca podin.

Prime di rivà  a le fattorie Varga eri stade tal municipi di Kecskemét, cal vôl dì “pi膷ul comun”, e a l’è il capolôc da le Puszta. Sul pala膷 dal comun un carillon al sune a ogni ore une melodie di Zoltán Kodály, compositôr e pedagogo di musiche. Infatti le citât a è famose par l’Istitût di Pedagogìe Musicâl cal parte il siò nom.
A Kecskemét a fasin le barackpálinka, le sgnape di armilins. In municipi a mi an regalât une butigliute mignon e une cartuline da le citât. A 膷hase ai mitût le sgnape ta le salse di fîcs dal arbul dal miò ort.

Soi stade a viodi ancje Szentendre, a 20 km da Budapest, une citâdine cun stradutis tortuosis, vicui strèz, di atmosfere mediteranee, fondade dai Serbi tal 17° secul. Ochì a vevin cjatât ripâr fameis grechis e dalmatis, dopo l’espansion turche.
Tal centro, interis vîs e placis a son restadis intatis e, ochì, a vivin tancju artits.
Szentendre a l’è il puest dolà ca si fasin li compris. Ta un negozi a vendevin baretis ricavadis da un fungo. A disin ca l’è util contre il mal di cjâf.
Cussì, cuant che l'ai contade a un miò amì, lui mi à dit: “Ma dai ... e se an le dispense vueide a fasin un risotto cul 膷hapiel”.
 
Eri stade ancje sul lago Balaton ma, ta che dì, vevi tânt di chel rafredôr dal fen che no mi visi pì nuie di ce che vevi viudût.

***

une barete di meti in dispense

La imagjine e je cjolte sul web

Postato da: DoneBete a 11:46 | link | commenti (2) |
on臒har矛e