In biciclete par 44 km, di Sant Candido in Alte Pusterie fintremai a Lienz in Austrie.

Une ciclabile asfaltade dilunc de Drava, un paisaç fis di arbui, un incjant pai voi.

De partence, di rive in jù, il dislivel al è di 500 mt. Bisugne frontâ ancje cualchi toc in rive su. Ma, par une cicliste fûr di alenament come me, al è stât miôr menâ par man la bici.

Amîs di “svolade” vevi dôs feminis. Une, italo argentine, tornade di cualchi an a vivi in Friûl, vere saete tal pedalâ, viodût che ogni dì, par lâ a vore, e fronte un grum di strade in bici. Chê altre, di sigûr, plui alenade di me.

Viers la fin de trate o sin ladis, a pîts, a viodi il “Wasserschaupfad”, il “Troi de aghe” ta la gole Galitzenklamm. Puartantsi in alt vin podût rimirâ une maraveose cascade di aghe.

A Lienz o vin mangjât tun McDonald’s. Tant che la sere prime si vevin dadis a canederli, stinc e strudel, a cene tal “Castel Kandlburg” a Rio di Pusteria.

Li bicicletis, par tornà a San Candido, li vin cjariadis sul tren.

La dì prin, a Bressanon, o vevi comprât foncs secs, un speck di mieç chilo e un vâs di marmelade di pomis di bosc.

Si à di capî che, une volte a cjase,o vevi pûr di fâmi tornâ lis fuarcis!

La imagjine e je cjolte sul web

Par cheste conte la lenghe je stade mendade da

Stefano Gasti

Ogni volte che lavi a cjase di me sôr, sa no l’ere za su le puarte, a lu clamavin disînt ca ere rivade le agne Bete. Cussì a mi faseve une grande fieste e, a ducju i costs, al veve di vignimi tal grim e stà lì par un pôc. Li voltis che vevi intôr un vecju impermeabil sfodrât di pilize a l’ere dut un ramenasi cuntre di mè. A pò stai ca mi crodès une gjate.

Cumò a l’è ta un cjanton dal zardin. A lu an vuluzât ta une vecje felpe di un vecju murôs di Nele.

Dine, che atre gnece, scavânt le tiare a vaive e a diseve che an veve soterâz tancju di murôs.

Cussì a rideve mentri ca vaive e i lagrimons a colavin su le tiare.

Grizabella, le gjatute dal musical "Cats"

La imagjine e je cjolte sul web