Done Bete da le lenghe sclete

il titul dal blog al nas di un m没t di d卯 che si usave a Durlasse, il pa卯s di me mari e chel dul脿 che soi nade

Opuntia ficus-indica
Lui

Postato da: DoneBete a 13:37 | link | commenti |
lunari

Lubos

 

E jere Istât e vacancis da scuele, jo o vevi sedis agns e la television e passave gnovis sui fats de “Primavera di Praga”.

 

Une machine, dute cjariade di robe, e si jere rote par strade.

Jerin un pari, la mari e doi fruts. La fantacine e varà vût sui cutuardis agns ma e jere fate che pareve une di vincj. Siò fradi al veve cualchi an di mancul, a jerin cecoslovacs. 

La machine, une Skoda, le vevin puartade a comedà te oficine di gno pari. Nol jere un lavôr di pôc e cussì i vevin dât di podê sistemâsi tal garage di cjase.

 

Fevelant, par mût di dî, cu la femine, jo e mê mari o vevin savût che l’om al jere un miedi e che ancje jê e lavorave tal ospedâl.

Jo la butavi un pôc par inglês e cussì o vin rivât a capîsi almancul alc. Noaltris o nomenavin “Ducke”, falânt la pronuncie di Dubcek, jê nus veve dit che "ducke" al voleve dîsi zucar, ma di capî ce che a pensassin di chel che al steve capitant te lôr Patrie, no vin podût intindisi.

 

La siore, ca se gjoldeve, mi veve spiât che il frut, Lubos, si jere inamorât di mê. Par ricuart, a mi an regalât un servizi pe gulizion, stampât a timbri cu la patate, une creazion di Lubos. Jo, invezi, ae frutate, i ai regalât un segnelibri di tele, che o vevi ricamât cuntune rose. Si vevin ancje scambiâts la direzion di cjase ma jo no sai dulà che stavin lant, se a fos une vacance o se a jerin scjampâts de lôr Patrie, parcè no vin plui vût contats.

 

Cuant che la machine e jere aromai comedade, e che si veve di compilâ lis cjartis pal paiament, il siôr mi veve domandât se o savevi il latin. No mi visi plui, ma no crôt di vê provât a discori ancje par latin.

 

Trê agns fa soi stade a Praghe e mi soi pensade di Lubos e de tavaiute tignude da cont tun scansel.

 

Soi stade su la place dulà che une lapide e ricuarde il sacrifici di Jan Palach.

Vevi i ocjâi scûrs ca mi platavin i voi e un grop tal cuel di comozion a pensâmi di chei triscj fats di za cuarante agns.

il regâl di Lubos

 

Postato da: DoneBete a 15:16 | link | commenti (1) |
lubos

 La Sunte pescjadore

clicà par lei la storie su Contecurte

La imagjine e je cjolte sul web

Postato da: DoneBete a 12:37 | link | commenti |
la sunte pescjadore