Done Bete da le lenghe sclete

Une dì, Done Bete, a veve contât in cjase di un omp ca l’ere stât a sunà pai fruz da l’asilo.

Par fasi capì ce che l’omp al sunave, a veve fat viodi ce môt cal moveve che scjatule cal tignive sù cun d’une tiracje.

"Alore”, an dite i nonus, “vol dì che tu as sintût a sunà il Petul”.

Il Petul a l’ere un omp di Bertolasse che cu le armoniche, pal plasè dai paesans, a l’ere simpri in vôre.

Quant che in cjase a disevin Petul, a l'ere chel stès che disi armoniche.

Cui nonus, Done Bete, a scoltave “Radio Capodistria, notiziario” e il nonu al diseve che li nutizis a erin dutis bùfulis.

A trasmetevin une vore di canzonetis, quasi simpri chês, ca vignivin domandadis dai “radioascoltatori” par mandà augurios a fîs, sôrs e vie discorendo.

Tra li pì getonadis a erin:

la  “casetta in Canadà, con vasche e pesciolini e tanti fiori di lillà”;

“vecchio scarpone quanto tempo è passato”;

“mamma, son tanto felice perché ritorno da te”.

Il top a l’ere il Complesso Casadei che, cun “Romagna mia, Romagna in fiore, tu sei la stella tu sei l’amore” al faseve là a dute bire le armoniche e Tinute, le mari di Done Bete, a diseve “ah, tânt ca mi plâs sintì a sunà il Petul”.

Il top dai top a ere che, par ogni finâl di trasmission, un radioascoltatore al veve domandât di sintì a sunà  “bandiera rossa la trionferà”.

***

Done Bete a veve une curiositât:

viodi une foto di Natalino Otto cal cjantave

"Op! Op! Trotta Cavallino"

Postato da: DoneBete a 17:50 | link | commenti (4) |

Commenti

#1   19 Febbraio 2008 - 22:34

 

Se figo radio capodistria!

maxpotter

#2   22 Febbraio 2008 - 00:00

 

Mi visi ancje jo, o sin vecjos, "il trenino di auguri" di Radio Capodistria e lis cjantis che si stentavin a sintì di chês altris bandis.

furlan

#3   22 Febbraio 2008 - 15:18

 

bravo Vigj,
"un trenino di auguri ... ", "spegne la sua seconda candelina ... "

îer ai distudât ... bip ... cjandilutis ca mi son costadis pì da le torte

DoneBete

#4   09 Aprile 2008 - 09:40

 

O crôt che le cjançon di Natalino a vegnive fûr dal fil "Il ragazzo dai capelli verdi"

utente anonimo

Commenti