Diti a l’ere il cjanut di Done Bete, ancje lui nât a Bertolasse.

Diti no l’ere un non a câs ma il diminuîtv di Gjiudite, le femine ca lu veve regalât a Done Bete.

Gijudite e il siò omp a erin čhačadôrs.

Il Diti a l’ere une biele incrosadice di razis čhanìnis.

L’istinto pa le čhace a lu veve, ma cu le specjalitât dal gjat, une vore bulo a cjapà pantianis.

A contin che Gijudite, quant ca lave a čhace, a fos stade pi svelte dai cjans. A ere ì ca i dave al siò omp li diretivis justis par cal tiràs a li predis.

Il Diti, ta le cjase gnove di Stelute, al viveve peât par no cal scjampàs in strade a piriculà.

Le sere al vignive molât tal curtîl da li gjalinis, pa li necessitâz corporâls, e cussì a si divertive un mônt a falis cori come saetis.

Ducju in cjase a disevin che il Diti a l’ere cragnôs e puzelênt ma par tancju ains nissun al veve mai pensât di fai un bagno. Puar Diti, le volte che Ninine, le sôr di Done Bete, a lu à lavât ta le podine da le lišìe, come cal fos stât “Calimero il pulcino nero”, a iè vignude tante di che pize ca nol finive pì di gratâsi.

*** 

tânt ninins ca erin i puličutz neris ca nasevin sot le cločhe!