Done Bete da le lenghe sclete

il titul dal blog al nas di un mût di dî che si usave a Durlasse, il paîs di me mari e chel dulà che soi nade

Eccomi

Feeds

Contatore

visitato *loading* volte

martedì, 09 giugno 2009

Magnoti

Magnoti, cuant ca l'è muart, al veve cuasi disevot ains. Di pizul ai vevin tacât un’altri nom ma, sicome ca l’ere di buine mandibule, me sôr Mirte à scomenzât a clamalu Magnoti e cussì chel nom a iè restât par simpri.

Magnoti, se me sôr a stave tal liet, parcè a veve poc ben, a si meteve distirât par tiare e di lì no si moveve fintremai ca no fos stade i a jevasi. Tra di lôr, però, par vie da li pisadinis cal molave tai cjantons, a ere barufe continue.

Magnoti, a me gnece Nele, ca lu tignive tal braz, ai tocjave le muse cu le zatute, plancut, come une cjareze.

Ogni volte che lavi a cjase di me sôr, sa no l’ere za su le puarte, a lu clamavin disînt ca ere rivade le agne Bete. Cussì a mi faseve une grande fieste e, a ducju i costs, al veve di vignimi tal grim e stà lì par un pôc. Li voltis che vevi intôr un vecju impermeabil sfodrât di pilize a l’ere dut un ramenasi cuntre di mè. A pò stai ca mi crodès une gjate.

Cumò a l’è ta un cjanton dal zardin. A lu an vuluzât ta une vecje felpe di un vecju murôs di Nele.

Dine, che atre gnece, scavânt le tiare a vaive e a diseve che an veve soterâz tancju di murôs.

Cussì a rideve mentri ca vaive e i lagrimons a colavin su le tiare.

Grizabella, le gjatute dal musical "Cats"