Done Bete da le lenghe sclete

il titul dal blog al nas di un m没t di d卯 che si usave a Durlasse, il pa卯s di me mari e chel dul脿 che soi nade

Epûr no si cjatarin mai

Al marciât a Palaçûl, Sior Vico al à comprât un par di 'savatis. Tornât a cjase a Durlasse, al prove a impirâlis: a si acuarç che une 'savate a je plui lungje di che altre e ai cole dal pît. A si vise da la femine di Gonars, sentade su di un scagnut, sot da la so barache, devant da un côl di 'savatis di dutis lis misuris, dut un sdavassum; a la viôt mentri ca sgarfe tal grum par cjatà une 'savate juste pal siò pît e ai la fa provà, dopo a torne a sgarfà e ai consegne la forsit zimule, che lui al racuei cence nancje provâle. "Forsi, cumò, - al pense Sior Vico, - un altri om al sta cjaminânt ta un altri paîs cun dôs 'savatis discompagnadis". E al viôt une ombre scarmuline çuetantte, cuissà nuie, magari pa lis calis di Maran, cun tune 'savate ca i scjampe dal pît a ogni pas, o pûr masse incjalçade, ca i scjafoie il pît intorteât. "Forsi ancje lui in chest moment a mi pense, al spere di cjatâmi par fa il scambiio. Il rapuart ca nus lee al je plui concret e clâr di gran part da lis relazions ca si stabilissin tra cristians. Epûr no si cjatarin mai". Al decît di la indenant a impirà chestis 'savatis cence pâr, un rivuart al compagn di disdete estrani, par tignì in vite chest cumbinel cussì râr, chest spieli di pas çueteantti da un paîs a un altri. A si intarde a piturâsi cheste figure, ma al sa ca je une bausie. Un sdrum di 'savatis cusidis in schirie a ven di volte in volte a cjariâ il grum da la marcjadante a Palaçûl. Insom tal grum a restaran simpri dôs 'savatis discompagnadis, ma fin tant che la marcjadante a no finirà lis scortis (e forsit a no li finirà mai, e muarte je la barache cun dutis lis 'savatis a passarà ai sies nevôts e ai nevôts dai nevôts), a bastarà cirì tal grum e a si cjatarà simpri une 'savate da zimulà a une altre 'savate. Sôl cun tun client indurmidît come lui al pues sucedi un sbalio, ma a puedin passà secui prime che il costrut di cheste falope al vadi a sdrumâsi su di un altri aventôr dal marcjât di Palaçûl. Ogni procès di roture da l'ordin dal mont al je inguaribil, ma i efiets a vegnin intanâts e ritardats dal pulvin dai grancj numars cal ten dentri mieç dal dut disconfinâts di gnovis simetriis, combinazions, compagnaments". Ma se il so erôr al nol ves fat altri che scancelà une vecje falope? Se il so straviament al fos stât bon no par fa 'savachine ma sest? "Po stâi che la marcjadante a jere babie, - al pense Sior Vico, - dantmi une 'savate par sorte e à metût in cuete une falope che da secui a stave in vuaite ta chel grumon di 'savatis, machinânt da gjenerazions tal marcjât di Palaçûl". Il maranês cencenon po stâi cal çuetàs in ta une altre epoche, la simetrie dai lôr pas a si rispuint no dome da un paîs a un altri, ma cu la lontanance di secui. No par chest, Sior Vico, a si sint mancul solidari cun lui. Al continue a çavatà a stent par da solêf a la so ombre.

la conte a je voltade e messedade fasiint man basse da
La pantofola spaiata
di Italo Calvino



Cale di Maran
La imagjine e je cjolte sul web

Postato da: DoneBete a 16:19 | link | commenti (12) |
ep没r no si cjatarin mai

Commenti

#1    05 Novembre 2009 - 18:34

 

E somee a une conte furlane:-) 

utente anonimo

#2    06 Novembre 2009 - 08:33

 

Benedete di femine! Quant chi ai tacât a lei, o ai pensât che mi pareve di vei già let une robe simile, ma voltade par fùrlan no rivavi a capii, dopo a la fin e ai let l'autor mi è sovignut che vevi fat un tema a scuele sul chiste conte. Grazie Bete.

snow33

#3    06 Novembre 2009 - 10:27

 

O ai cjapât gust, Nêf e Jaio, a voltà storiis par furlan parcè a mi serf a recuperà il lessic da le me infanzie, cirînt di doprà peraulis aromai bandonadis, ancje se la forme "o ai, o soi e v.i." a no je carateristiche dal me lengaç, ma cussì il scrit a mi pâr plui armoniôs ... cuissà sa je vere!?

DoneBete

#4    06 Novembre 2009 - 10:44

 

Tu fâs ben Bete! Alore tu sas che ançje in Çjargne ogni paîs a là il so dialet, se jo ves di tabaiâ tal gno lengaç no mi capires nisun! Alore o cir di falu in ce che plui si svisine al Fùrlan e po a ven fûr un gran miscliçiot! :D Ma po' il ver Fùrlan qual isâl?

snow33

#5    06 Novembre 2009 - 10:48

 

Mi soi smenteade! O crôt che se si rive a luilu e a capilu al podi lâ benisim cusì, a mi no mi è difiçil leiti daspò mi par cal podi la ben, ma io no sai tant.

snow33

#6    08 Novembre 2009 - 15:16

 

Alore , DoneBete ,
Tua mamma è morta il primo di Novembre.
E può essere un segno di riconoscimento del suo lavoro  è mi pare di percepirlo.
E siamo a 4 , ne manca ancora Una.
Per le prime Tre , però , ho seri dubbi.
Però , indiscutibilmente avevavno le palle.
Inquanto ai miei inizi frase con però , ma , e , permettimi un po' di anarchia .
Leggo le Tue cose , veramente ben fatte , forse troppo , la perfezione è diabolica.
Per fortuna trovo un difetto.
Hai una vena di tristezza che non Ti  lascia stare , dato che è presente ovunque scrivi.
Tu sei certa che le ciabatte non si troverrano mai , mentre io penso che se dovessero trovarsi , succederebbe .
Hai presente la Provvidenza ?
Non necessariamente l'azione Divina di Dio , può essere semplicemente l'azione equilibratrice della Natura.
Se le ciabatte si sono spaiatae e non si riappaieranno più , significa che così doveva essere.
Inquanto a Calvino , che cita la legge dei grandi numeri , questa è una legge matematica , ma non ha logica matematica.
La logica e la matematica sono una coppia ( come le ciabatte giuste ) e non possono viaggiare da sole nella rilevazione della società.
Prova a concentrarti sull'etimologia della parola logica e della parola matematica.
La matematica Ti indica  , con una convenzione , quando sei nata e indicherà la Tua data di morte.
La logica matematica Ti dirà che dopotutto è meglio vivere alla giornata ed al meglio.
Mandi.
Exanba.

utente anonimo

#7    08 Novembre 2009 - 16:42

 

Mandi Sandro,
mi pâr che tu mi as fat une sorte di necrologji mentri co soi in vite, no mi displâs. Un precedent ilustri al je chel di Pasolini, tal '71, scrit par Laura Betti Necrologio di un'eroina

DoneBete

#8    11 Novembre 2009 - 22:54

 

Non era un necrologio. Sono un po' dislessico , credo di leggere in modalita T9 o forse T2000. Ti spiegher貌. Quindi resto estasiato da chi riesce a leggere , catalogare , archiviare. Ora , ho letto il necrologio , ma lascia che abbia il tempo di farlo in modalit脿 normale e non in T9. Pasolini va preso sul serio ed in questo momento non sono ne serio , ne tranquillo. Se poi sei anche una brava cuoca , due pregi , letterata e cuoca. Inquanto ad oggi , 11/11/2009 , considerato che 2+9 fa unindici , 猫 il 11 11 11 . Sei unit脿. Di sicuro 猫 successo qualcosa , ma forse non lo sapremo mai . Resta che va ricercata la quinta morte del 1/11 e non sei Tu . Spesso ho la sensazione di ritenermi morto , ma poi penso che penso e mi passa , ma forse potrei esserlo lo stesso. Ossia , i morti pensano ? Temo o spero di si. Mandi e lascia che rileggo. Exanba.

utente anonimo

#9    12 Novembre 2009 - 09:19

 

Sandro
fasin un compromès: la fieste di ducj i Sants, tal 885, a ven spostade dal 13 di Mai al prin di Novembar dal Pape Gregorio. Duncje o podin tirà dentri Maria Bellonci, muarte il 13 di Mai dal 1986. Cussì o vin ancje le "strie", je che, apont, a veve ideât il "Premio Strega".

Rivuart a Laura Betti o sai, parcè a lu veve contât ta une interviste, che cul mangjà e veve un rapuart di dipendence.
 

DoneBete

#10    12 Novembre 2009 - 19:51

 

Joi Bete, o ai finît di rilei il libri de Bellonci su Lucrezia Borgia, che nol é tant.O vevi fintramai stât a Ferrare per cirî di cjatâ i puèscj descrits tal libri:-) 

utente anonimo

#11    13 Novembre 2009 - 09:29

 

Ce biel ce che tu mi disis, Jaio. Jo, le volte che soi stade a Ferrare, o vevi par compagne di viaç une siore ca mi contave di Isabella d'Este, cussì come ca le à descrite la Bellonci ta "Rinascimento privato".

DoneBete

#12    20 Novembre 2009 - 22:00

 

Io spero che Tu mi possa scusare del fatto che non essendo un grande lettore , non ho nemmeno l'ombra di cultura letteraria.
Forse Ti ho già detto che leggo in T9 ?
Comunque , interessanti queste Scrittrici , specie sta certa Betti  , amica di Pasolini e di Pinelli .
Inquanto alla Cabala , anche il 13/5 , come il 9/2 , hanno la stessa valenza all' 1/11.
Mandi.
Ex.

utente anonimo

Commenti