Done Bete da le lenghe sclete

il titul dal blog al nas di un mût di dî che si usave a Durlasse, il paîs di me mari e chel dulà che soi nade

Tine

Une frute ca varà vût si e no dodis ains a veve fat un viaç in tren da Tisane fin a Torin.
Un façolet, leât insieme dai cuatri pics, la so valîs. Altris frutis a jerin za partidis prin di je.

Je, a contave di ve lavorât a Venaria Reale ta la fabriche da la sede.

Tal 1930, a disevot ains, a veve cjatât di lavorà a Torin, in Cors Racconigi, dolà ca jere la Cjase Mari da lis muinis di San Vincenzo, lis stessis che a Rivignan a fasevin scuele di infanzie.

L'istitût di Torin al assisteve fruts che i gjenitôrs a no podevin tignîju cun se. Fruts cun gjenitôrs masse puars, o emigrâts in France, o cun situazions di malstâ in famee.

Tine a lavorave alì come infermiere, chest al jere il so titul lavoratîf, parcè je a veve un bon ce fa a lavà cûi ai fruts.

Tine a contave simpri di cetant gnervôs ca i fasevin lis muinis ca preparavin par se il brût di cjar e la stesse a la fasevin cuei une seconde volte par fa la mignestre da dai ai fruts. A Tine ai pareve che une simile fate di mangjarie a fos la cause da la dissenterie continue dai fruts.

Lis muinis, cun tant di grumalon candit, ca metevin sôl pa l’ocasion, a si davin un gran da fa lis voltis che lis damis di caritât, ca sostignevin economichementri l’istitût, a rivavin a visità i fruts. Tine a ricuardave tra chestis la Siore Carpano, propite che da la fabriche dal licôr.

Tine a jere me mari.

chei piçui scaghets

Postato da: DoneBete a 16:09 | link | commenti (4) |
tine

Commenti

#1    12 Novembre 2009 - 19:44

 

Joi Betute, no sta a dîmi...Un di chei fruts o varès podût sei jó. 

utente anonimo

#2    12 Novembre 2009 - 21:04

 

Grande Tina.
E magari tra questi bambini , forse alimentati e vestiti e istruiti meglio che a casa , qualcuno sarà diventato un delinquente e qualcuno un salva delinquenti .
E'  meglio vedere il bello che il brutto .
E comunque grande Tina.
Ex.

utente anonimo

#3    13 Novembre 2009 - 10:04

 

Mandi Jaio e Sandro
me mari a no jere mai plui tornade a Torin, ancje se soi sigure ca varès vût un gran plasè di tornà a viodi chei lûcs. O jeri ancjemò piçule cuant che insieme o vevin fantasiât di fa un viaç fintremai olà. Sôl cualchi an fa o soi lade in gjte, ta un periodi cal jere dut un cantîr par vie da li Olimpiadis.

DoneBete

#4    13 Novembre 2009 - 23:49

 

Ma li hai visti quanto belli sono quei bambini ?
E quella bimba che tiene per mano il maschietto ?
Era meglio quando era peggio !
Ed è un punto esclamativo , non di domanda.
Mandi.
Ex.

utente anonimo

Commenti