Done Bete da le lenghe sclete

il titul dal blog al nas di un mût di dî che si usave a Durlasse, il paîs di me mari e chel dulà che soi nade

Lane di agane

Doi barbîrs di Nashville tal Tennessee, William Morrison e John C. Wharton, tal 1897, a vevin vût la idee di inventà la machine par fa la sbrume di zucar. 

La novitât veve vût un grant acet sôl tal 1904, ae Fiere di Saint Louis tal Missouri, la volte che lôr doi la vevin presentade cul non di "fairy floss", ven a stâi lane di agane.

Il presit dal bombon al jere di 25 centesims di dolar, une vore cjâr sa si pense che il biliet di ingrès par visità dute la mostre al costave 50 centesims. 

In Italie la sbrume di zucar a jere rivade pa prime volte tal 1906 te ocasion da vignude a Udin dal Circ di Buffalo Bill.

Voltât par furlan o ripuarti un scrit di Gloria De Antoni che cussì a conte di Tina Modotti "Po dopo il polvar, cetant polvar ta chel Mai dal 1906, cuant che l'Amèriche, l'Amèriche dal mît, si palesave ta persone di Buffalo Bill, propite lui, a Udin par un spetacul straordenari. Tine cor imboreçade viers Puarte Praclûs: passe la sfilade di cjars e cjavai che da stazion scjavace viâl Triest par insedâsi là fûr tai cjamps."

Me none a chei timps veve 22 ains e, mediant ca lavorave a Udin, a jere stade a viodilu chel spetacul cuissà cetant publicizât e, duncje, spietât.

O sai che me none veve lavorât come operâje ta filande. Ancje Tine Modotti, ta chel stes periodi a dodis agns, par judà la famee di seis fradis a veve lavorât in filande.

Cuant che di frute la none mi contave di Buffalo Bill jo stentavi a crodi, parcè o pensavi cal fos stât sôl un personaç dal cine.

Udin, Borc Praclûs inizis nûfcent
La imagjine e je cjolte sul web

Postato da: DoneBete a 10:03 | link | commenti (6) |
lane di agane

Commenti

#1    16 Novembre 2009 - 19:34

 

Il Buffalo al jere ancje chel ch'al organizave le cjace al bufalo in treno. Il divertiment al iere chel di traviersâ il paîs da une bande a chê âltre  e di tirâ pal finestrin su dutis lis bestis che viodevin. Rôbis a pont di chel âltri mont! 

utente anonimo

#2    17 Novembre 2009 - 08:36

 

Done Bete o soi stât da te miez'ore par cirî di mandâ un coment ma nuie da fâ: A nol ûl passâ. A mi si rispuint simpri che il codic ch'o fâs a nol é just!
Senó le storiute di Bufalo Bill a mi é plasude. Soredut ch'a tu paris drenti la mê eroine: Tine M.
A tu varès di scrivi le sô storie a partî di cê ch'a tu sâs dal libri de De Antoni e po, o cj'al consêi un grum, chel di Margaret Hooks (fin cumó dome in inglês). O soi sigûr ch'al interessarès un grum di furlans e al podarès siervî ancje par dâ un esempli di cê ch'a si puès fâ e deventâ a partî di nuie. Ce ditu?
Jaio

utente anonimo

#3    17 Novembre 2009 - 09:27

 

Splinder, dopo ca lu an "miorât", al è deventât un torment ancje a scrivi i post.
Sâstu, Jaio, o vevi simpri l'idee di scrivi la storiute di me none e dal Circ di Buffalo Bill ma o vevi masse pôc di ce contà. Cualchi sere indaûr tal quiz il Milionario e an juste domandât ce ca è "fairy floss" e dopo an dit, apont, che a jere rivade a Udin mediant il Circ. Cussì o ai cirût chest indizi e sôl ta un secont moment a mi è saltât fûr un articul su Repubblica dal 7 di Avrîl 2009 di Gloria De Antoni, e da chest o ai tirât fûr il tocut co ai ripuartât tal post. In veretât no savarès se la De Antoni e à scrit ancje un libri. Jaio, jo no soi une buine tradutore, lu sai parcè al je cui ca mi lu à dit. Soi buine sôl a meti adun cualchi storiute pal blog.
Mandi
DoneBete

DoneBete

#4    17 Novembre 2009 - 10:29

 

Pracchiuso, par furlan al jere il Broili dai predis, l'ort dai convents che jerin dal zardin grant fintremai ae puarte che  e jere li de place Oberdan di cumò, alore praat sieraat, Pracluus.
Ostie a di chei acents che no mi vegnin.

furlan

#5    17 Novembre 2009 - 11:05

 

graziis Stiefin, ce gust di savè lis robis justis.

DoneBete

#6    18 Novembre 2009 - 09:06

 

Mandi Bete, dut ben?

snow33

Commenti